Parroquia Ferraganchos
Na actualidade un dos piares dos retos educativos actuais, que son apoiados por moitas investigacións e prácticas educativas, é a innovación. Dita innovación se debe asentar nas potencialidades e necesidades contextuais para que esta supoña un verdadeiro cambio na realidade educativa.
De aquí parte o conxunto de actuacións que aquí presentamos, dentro do programa Introdución á robótica en Ed. Primaria e que queren ser nexo de unión entre realidade, inclusión e equidade para acadar procesos educativos de calidade que sexan quen de satisfacer as necesidades e demandas dun contexto educativo concreto.
A través das mesmas, o alumnado coñece a súa realidade e é quen de intervir na mesma con capacidade de transformación e empregando para elo os recursos propios de medio e os que lles proporcionan as tecnoloxías da información e da comunicación. Estas últimas, ademais permiten que adquiran unha perspectiva global de mellora social. Empregalas para o aprendizaxe e o coñecemento supón crear coñecemento, pero tamén contar con capacidade para difundilo e para darlle valor. Todo isto dende a responsabilidade e a reflexión crítica do que podemos ser e o que queremos ser. Valores e competencias que axudan a crear comunidade.
Pero, como o fixemos?
Para comezar introducímonos no mundo da programación coa plataforma Scratch (1º trimestre) creando xogos serios. Moi sinxelos ao principio, que progresivamente, leváronnos a despregar os coñecementos necesarios para enfrontarnos ao traballo cooperativo de montar e programar os robots (2º e 3º trimestre).
Introducímonos no mundo da robótica aprendendo que é unha máquina autónoma programada. O seguinte paso é o ensamblaxe das diferentes pezas e compoñentes vendo a finalidade de cada unha facendo especial énfase na placa electrónica. Unha vez ensamblados os robots o seguinte paso é a acción libre, na que o alumnado investiga e manexa a máquina co programa que trae por defecto. Esta é a primeira toma de contacto para poder ter unha idea inicial e xeral do funcionamento dos diferentes sensores que integran a máquina.
Nos asentamos entón, na interacción e o xogo para aprender. En la segunda secuencia de actuacións, a través das propostas incluídas do material da convocatoria e outras propostas dende os grupos cooperativos (de catro discentes) .se observa primeiramente que temos que ser quen de establecer a finalidade da acción do obxecto tecnolóxico, para posteriormente coñecer as peculiaridades e características do entorno de programación en forma de traballo por equipos seguindo a secuencia: deseño, asunción de roles, codificación dos algoritmos, entre outros.
Finalmente, expoñemos na aula, familias e comunidade os resultados obtidos.
Sobre todo este proxecto supuxo unha nova forma de ver e entender a tecnoloxía, non so como un mero recurso senón, como unha fórmula para crear coñecemento autónomo, cooperativo e real. Tamén, para achegar a comunidade educativa unha perspectiva da evolución social próxima a realidade e con perspectiva, cada vez maior, de ser parte fundamental do futuro.
Como punto final a tanta actividade participamos na SteamLab compartindo experiencias. Xenial!!!!
Aprendo programando 2018
Este
curso escolar volvemos a participar na modalidade do Plan Proxecta: Aprendo
programando.
A
temática dos proxectos presentados xira ao redor Ano Europeo do
Patrimonio Cultural.
Seguimos
a traballar coa plataforma SCRATCH . De esta forma traballamos coa tecnoloxía,
entendida non como un mero recurso, senón como elemento para crear aprendizaxe
e coñecemento autónomo a partir das potencialidades persoais e grupais cun
sentido inclusivo, práctico e funcional.
Queres
divertirte cos nosos proxectos?
Coñecer Europa: viaxar e comprender
Instrucións
Acompaña
a estes amigos na súa viaxe por Europa e aprende con eles.
Notas
e créditos
Agradecemos
a xente da rede poder contar con imaxes libres de dereitos para poder deseñar
este programa. Somos rapazas e rapaces de 5º curso de Ed. Primaria do CPI
Plurilingüe Virxe da Cela de Monfero.
Xiana,
Pablo, Miguel, Marcos e Andrea queremos que o pasedes ben con esta historia.
Deudores do tempo
Así fomos, así somos
Viaxeiros polo mundo
Instrucións
Contesta ás preguntas
formuladas e coñece as singularidades da cultura europea.
Notas e créditos
Proxecto autoeditado e
ilustrado polo grupo de alumnas e alumnos de 5º e 6º de Ed. Primaria do CPI
Plurilingüe Virxe da Cela de Monfero formado `por Uxia, Antía, Eva, Adrián,
Damián e Alicia.
Deudores do tempo
Instrucións
Responde a cada pregunta
marcando o número correspondente á resposta axeitada. Tamén debes escoitar con
atención, xa que en moitas das preguntas se che dará unha breve explicación.
Notas e créditos
Brais, Bruno Caínzos,
Antonio, Lucia e Silvia. 4º curso do C.P.I. Virxe da Cela de Monfero.
Para aqueles nenos e
nenas con algunha dificultade na lectura, atendendo á diversidade funcional,
pensamos que poderían facelo coa axuda de algún adulto que lles fose lendo as
preguntas. A revisión das respostas foi gravada polo grupo co fin de que xa no
momento os rapaces e rapazas souberan se atinaran ou non..., dando sempre
ánimos para seguir adiante.
Así fomos, así somos
Instrucións
Le amodiño
as preguntas e escribe o número da resposta axeitada. Se te fixas é moi
fácil...
Notas e créditos
Iria, Eva, Diego,
Yuri Álvaro, Bruno Pereira e Marcos. 4º curso do CPIP Virxe da Cela de Monfero.
PLAN DIRECTOR GARDA CIVIL: PREVENCIÓN RISCOS INTERNET
O venres 1 de abril de 2016 recimimos á visita da Garda Civil para impartir unha charla de "Prevención de riscos en Internet". Non é a primeira vez que se realiza esta actividade no noso centro, xa que ano tras ano a Garda Civil a través deste Plan Director pretende responder de maneira coordinada e eficaz ás cuestións relacionadas coa seguridade de menores e xóvenes na escola e na súa contorna, fortalecendo a cooperación policial coas autoridades educativas nas súas actuacións para mellorar a convivencia e a seguridade no ámbito escolar.
A charla estructurouse en tres quendas: para 3º ciclo de primaria, para 1º ciclo da ESO e para 2º ciclo da ESO. Seguindo unha presentación en power point fóronse expoñendo os principais riscos asociados ás novas tecnoloxías e máis concretamente ao uso das redes sociais, e para recapacitar sobre toda a información suministrada fíxose o visionado de varios vídeos que puxeron de manifesto o peligro que entraña o uso das redes sociais, algo ao que estamos moi habituados e utilizamos sin ser conscientes das súas consecuencias.
NO RURAL VIVES O NATURAL
CHARA DE MULLERES DO RURAL
PLENO NO CONCELLO DE IRIXOA
O pasado 30 de abril o alumnado de 5º e 6º de Ed. Primaria do CPI Plurilingüe Virxe da Cela acode ao pleno ordinario do Concello de Irixoa (13:30) dentro dunha iniciativa destinada a fomentar a organización do alumnado en prol dunha aprendizaxe que repercuta na sociedade na que se desenvolve, é decir que se formen cidadáns críticos e responsables. Trátase de que aprendan a xestionar as súas accións de forma coordinada, cooperativa, dialogante e democrática.
En dito pleno presentamoas una moción de apoio ó rural en todas as súas vertentes (sociedade, cultura, economía …) que, acompañada dunha campaña de difusión das súas potencialidades, pretende facer visible ó conxunto da sociedade unha forma de vida singular e propia que non ten por qué desaparecer da nosa Comunidade, xa que foi a base da sociedade actual.
Ademais expuxéronse as problemáticas máis urxentes: despoboamento, avellentamento, falla de recursos e infraestruturas, ou a crise tanto do sector agrícola como do gandeiro, facendo fincapé na perda de poder adquisitivo das xentes que vivimos ó seu redor.
Dita moción foi aprobada por unanimidade.
A mesma proposta tamén se trasladará no seu momento ó concello de Monfero.
Os encargados de formular a proposta (alumnado de 5º e 6º de Ed. Primaria) forman parte da Asociación Educativa Infantil e Xuvenil Soño Rural, que constituíu dito alumnado o pasado 8 de abril como fórmula para aglutinar as actuacións que se desenvolven no centro en prol dunha revalorización das formas de vida do rural e, o mesmo tempo fomentar a participación nas mesmas do resto da comunidade educativa e do tecido social da comarca.
Ademais, as mesmas formaran parte dunha campaña de difusión automática dos valores e potencialidades do rural baixo o título “NO RURAL VIVES O NATURAL”. Dita campaña, contará cun soporte físico publicitario, e tamén será difundida a través de medios dixitais para ampliar o seu ámbito de acción.
Entre as temáticas que tratará a campaña están a valoración do patrimonio natural, histórico, artístico, lingüístico, cultural, etnográfico e social entre outros a través de exemplos cotías das formas de desenvolvemento das súas xentes.
En definitiva, cremos nun mundo rural vivo, no que partindo das súas potencialidades e dunha valoración positiva da súa idiosincrasia sexa quen de acadar un crecemento sostible e a valoración e o respecto da súa singularidade patrimonial (medio natural, lingua, costumes, usos, formas de desenvolvemento entre outros) para ser quen de transformar as suas potencialidades en motor económico, social e cultural.
Por último, estas iniciativas desenvolvense ó abeiro do proxecto “Móvete” da Dirección Xeral de Xuventude,Participación e Voluntariado e do Plan Proxecta na modalidade “Paisaxe e Sustentabilidade ”do Instituto de Estudos do Territorio.
Prensa:
DIARIO DE FERROL
MONFERO- Los escolares se asocian en defensa de la vida en el rural: Lo rural se lleva. Lo dicen los expertos que en los últimos años han constatado un creciente movimiento migratorio de la ciudad al campo en busca de una nueva vida.
8 MARZO:DÍA INTERNACIONAL DA MULLER
Un 8 de marzo de 1857, un grupo de obreras textiles tomou a decisión de saír ás rúas de Nueva York a protestar polas míseras condicións nas que traballaban. Distintos movementos sucedéronse a partir desta data. O 5 de marzo de 1908, Nueva York foi escenario de novo dunha folga polémica para aqueles tempos. Un grupo de mulleres reclamaba a igualdade salarial, a disminución da xornada laboral a 10 horas e un tempo para poder dar de mamar aos seus fillos.
Durante esta folga morreron máis dun centenar de mulleres na fábrica de Sirtwoot Cotto, nun incendio atribuído ao dono da fábrica como resposta á folga. En 1910, durante a Segunda Conferencia Internacional das Mulleres Traballadoras celebrada en Copenhague (Dinamarca), máis de 100 mulleres aprobaron declarar o 8 de marzo como Día Internacional da Muller Traballadora. Actualmente celébrase como o Día Internacional da Muller.
VIII RASTRO SOLIDARIO E OPERACIÓN QUILO 2016
Os rapaces e rapazas de 2º da ESO visitaron todas as aulas do CPI Virxe da Cela para repartir entre o alumnado unhas circulares informativas sobre a VIII edición do Rastro Solidario e Operación Quilo 2016. Durante os próximos días recolleremos todos aqueles obxectos que podades aportar para vender no Rastro (libros, cds, dvds, bisutería, xoguetes, etc), que se celebrará o vindeiro venres 18 de marzo, último día antes das vacacións de Semana Santa.VIII RASTRO SOLIDARIO E OPERACIÓN QUILO 2016
Sabemos que é un enorme esforzo realizado durante semanas, pero está claro que vale a pena. Van xa oito as edicións de Rastro Solidario efectuadas no CPI Virxe da Cela durante os últimos anos, e nestas últimas combinándose a Operación Quilo. Con moita ilusión alumnado e profesorado do centro visitaron o Rastro o pasado venres 18 de marzo de 2016, facendo as compras dos obxectos alí expostos por medio de troco con alimentos.
Unha boa pila de caixas están agora esperando a ser levadas á Cociña Económica de Ferrol, ao igual que unha significativa axuda en metálico de 159 euros recadada á base de donativos.
Queremos agradecer públicamente a colaboración da AMPA difundindo esta actividade e destacando a presenza de pais e nais que axudaron durante toda a mañá a organizar os alimentos en caixas e a facilitar as comparas dos mais pequenos (Jaime M. Caamaño, María José Varela, Elena Sanjuán e Sandra).
Nesta xornada tan especial completamos o día con dous obradoiros de Comercio Xusto e Consumo Responsable impartidos por Solidariedade Internacional Galicia, así como dun programa radiofónico especial sobre o Rastro Solidario, dirixido por Lucía Abarrategui y Sergio Pascual, a través do Laboratorio Radiofónico, e guiado polo alumnado de 4º e 5º de primaria.
Contamos tamén con importantes visitas, como de Beatriz Varela (Fundación Ayuda en Acción), a nosa ben querida exalumna Anaís, que veu acompañada pola súa avoa. E, ao final do día, deixáronse ver un grupiño de exalumnos/as que na actualidade están a cursar os seus estudios nos institutos de Betanzos, que saudaron cariñosamente ao profesorado e participaron incluso nos obradoiros que estaban a realizar o alumnado de 3º e 4º da ESO, mentres os rapaces e rapazas de 1º e 2º da ESO traballaban organizadamente para desmantelar de novo o “chiringuito” e deixar os obxectos sobrantes en caixas esperando á próxima edición do Rastro.
O venres 18 marzo de 2016 o alumnado da ESO do CPI Virxe da Cela recibiu un obradoiro de Comercio Xusto e Consumo Responsable impartido por Ana Lampón, técnica da ONG Solidariedade Internacional Galicia, xunto con Elisangela Silfa, voluntaria nesta organización e que na actualidade está en Galicia cunha beca do seu país, República Dominicana, realizando o Mestrado Universitario en Dirección, Xestión e Innovación de Institucións Escolares e Socioeducativas na Universidade da Coruña.
Transcribimos aquí as palabras de Ana Lampón describindo a actividade:
O obradoiro de Consumo Responsable ten a finalidade de que nos demos conta da importancia que ten o consumo nas nosas vidas, dende que nos levantamos ata que nos deitamos estamos consumindo. De aí a importancia de reflexionar sobre os nosos xeitos de consumir.
O consumo responsable é aquel que se basea na elección de produtos non solo pola súa calidade e o seu prezo, senón tamén polo impacto social e ambiental, pola conduta das persoas e/ou empresas que o elaboran. Tamén implica consumir menos, soamente o necesario para un bo vivir, e estar a atentos á publicidade para saber como nos crea falsas necesidades.
A actual sociedade de consumo, pretende facernos crer que a nosa felicidade se consegue comprando e consumindo sen sentido, polo que traballar cos mozos e mozas estas temáticas é tan importante, sobre todo proporcionando alternativas como poden ser o Comercio Xusto, o consumo ecolóxico, de proximidade, a economía social ou solidaria, etc. Sobre os contidos, traballamos na identificación e diferenza entre necesidades e desexos, os conceptos do comercio tradicional como as multinacionais ou a deslocalización, os dereitos dos produtores dos países empobrecidos, etc.
A resposta das mozas e dos mozos da ESO do CPI Virxe da Cela foi excelente, participaron moi activamente nas dinámicas e actividades propostas, implicáronse na procura de solucións aos problemas plantexados, e levaron moi ben os contidos do taller á práctica da vida cotiá. Cabe destacar que, en xeral, son un alumnado moi concienciado e solidario. Ana Lampón. Solidariedade Internacional Galicia
Crónica obradoiros comercio xusto e consumo responsable from satelite1
ESPECIAL RADIOFÓNICO VIII RASTRO SOLIDARIO E OPERACIÓN QUILO 2016
ESPECIAL RADIOFÓNICO VIII RASTRO SOLIDARIO E OPERACIÓN QUILO 2016
PROXECTO MÓVETE
A directora xeral de Xuventude, Participación e Voluntariado, Cecilia Vázquez, inaugurou hoxe este proxecto piloto no CPIP Virxe da Cela de Monfero. A iniciativa tamén se levará a cabo no CEIP das Fontiñas de Santiago e no da Lomba en Vilagarcía de Arousa. O programa “Móvete” pretende ser un instrumento para a formación integral dos estudantes máis novos a través de valores asociados ao voluntariado e á solidariedade dende un contexto lúdico e vincula á música como elemento de motivación.
A Consellería de Política Social, a través da Dirección Xeral de Xuventude, Participación e Voluntariado, inicia de xeito experimental o programa “Móvete” de dinamización do voluntariado entre o alumnado dos primeiros cursos de educación Primaria.
Este proxecto piloto levarase a cabo en tres centros de ensinanza Infantil e Primaria: o Virxe da Cela de Monfero, o das Fontiñas de Santiago e o da Lomba en Vilagarcía de Arousa. En total, participarán en Móvete ata final de curso máis dun cento de nenos e nenas entre os 6 e os 10 anos de idade.
A directora xeral de Xuventude, Participación e Voluntariado, Cecilia Vázquez, inaugurou esta mañá este programa no CPIP Monfero, que “pretende ser un instrumento para a formación integral dos estudantes máis novos a través dos valores asociados ao voluntariado e á solidariedade dende un contexto lúdico e vinculado á música como elemento de motivación”, dixo.
Así, este programa conta como base coa canción e o vídeo “Móvete” de Paco Nogueiras, a través da que se elaborará unha unidade didáctica de aplicación a través duns obradoiros en cada centro.
Os obxectivos da unidade didáctica céntranse na posta en valor da solidariedade e na acción voluntaria como medio para mellorar as realidades dos máis desfavorecidos. Accións solidarias en cada centro. Nas unidades didácticas cada centro escollerá unha acción solidaria para desenvolver co alumnado, que estará adecuada ás idades do grupo seleccionado e que poderá ser de sensibilización ou dun carácter máis activo, segundo o diagnosticado nos obradoiros iniciais.
Por último, Cecilia Vázquez destacou que “con este proxecto estamos en disposición de ofrecerlles aos mozos e mozas galegos a posibilidades de que desenvolvan un itinerario voluntario completo e continuo”. De tal xeito que este itinerario comeza en Primaria con Móvete, segue con Pasaporte Solidario –dirixido a rapaces de ata 12 anos-, continua coa Rede de Centros Solidarios para estudantes de Secundaria, e complétase co Servizo de Voluntariado Xuvenil, que se prolonga ata os 30 anos.
OBRADOIRO "MÓVETE". RCES
30 DE XANEIRO: DÍA DA PAZ E DA NON VIOLENCIA
4. comic malala from satelite1
4. comic malala from satelite1
DÍA DA PAZ: O TEU ENIMIGO
EXPOSICIÓN DE LIBROS E PELÍCULAS SOBRE A PAZ
CHARLA SOBRE O HOLOCAUSTO
En maio de 2008 un grupiño de estudantes do colexio CPEB Carlos Bousorio (Boal, Asturias), acompañados pola súa profesora Conchi Sanfiz Fernández, visitaron o campo de concentración nazi de Mauthausen nunha actividade encadrada nun interesantísimo proxecto de investigación.
Tiveron a oportunidade de asistir á Conmemoración Internacional da liberación do campo de Mauthausen (a liberación aconteceu o 5 de maio de 1945), e vivir este emotivo momento ao carón de varios superviventes españois que ano tras ano se dirixen a esta cidade austríaca para honrar ás vítimas do Holocausto. Estímase que neste campo morreron máis de 120.000 persoas, 7.000 delas deportados de nacionalidade española.
Nas palabras de José, un dos alumnos que realizou esta viaxe,
“Os deportados son parte dunha Historia viva que necesitamos coñecer para que o noso presente sexa moito mellor e para que eses erros que se cometeron no pasado nunca máis se volvan a repetir. Non debemos deixar caer no esquecemento as súas valiosas testemuñas”.
Importante labor que está levando a cabo Conchi Sanfiz, que actualmente imparte docencia no colexio de Guitiriz e que amablemente aceptou a invitación da nosa orientadora, Verónica del Río, para vir ao noso centro a transmitir a súas vivencias nun día moi especial, o venres 29 de xaneiro de 2016, como acto conmemorativo do Día da Paz. Todos os alí presentes escoitamos en absoluto silencio e co corazón encollido as súas palabras e observamos con respecto as imaxes mostradas na proxección, recoñecendo a crueldade á que é capaz de chegar o ser humano e prometendo manter viva a memoria de milleiros de vítimas inocentes para que estas atrocidades non se volvan a repetir na Historia.
Iria holocausto from satelite1
