CONCURSO ESCOLAR "EN BUSCA DA IGUALDADE"
O ROUBO DE PONTENOVA
Recomendamos a lectura deste interesante relato de Clara Brage, estudante de 5º de primaria. Ten todos os ingredientes para enganchar ao lector: un argumento interesante, unha boa dose de intriga, personaxes ben curiosos, unha trama que se vai desenmarañando pouco a pouco e un final sorprendente! Sabemos que tamén encandilou ao xurado do concurso literario "O Facho", resultando finalista do mesmo. Parabéns, Clara, por todo o teu talento e ánimo para continuar desenvolvendo a túa carreira de escritora!
PREMIOS SAMAÍN 2015
Non foi nada doado tomar a decisión dos gañadores no concurso de portas de Halloween/Samain. O traballo do noso alumnado, a implicación, actitude positiva, compañeirismo, e ilusión puxéronnos as cousas realmente complicadas.
Afortunadamente, a colaboración de Álvaro, o noso conserxe, María Xosé como representante do profesorado de Primaria, Marta coma representante do de Secundaria, Verónica, orientadora, e a inestimable participación de Nina e Diego, representando ao alumnado do centro, todos eles membros do tribunal avaliador, posibilitaron a toma de decisións.
E.... os gañadores foron.....
DE INFANTIL E PRIMARIA... Os alumnos e alumnas de 6º! Pola magnífica e creativa representación do duro camiño cara a temida ESO.
E, en Secundaria.... Os alumnos de 2º ESO! pola súa orixinalidade e minuciosidade no traballo...
A todos e cada un dos que participástedes cun sorriso, noraboa e agradecemento do profesorado.
GALA DE ENTREGA DE PREMIOS DO VI FESTIVAL DE CINE OUFF ESCOLA DE OURENSE
Parabéns a todos aos alumnos e alumnas que participáchedes no traballo, aos que estades no centro e aos que estabades o ano pasado en 4º ESO que fuchedes parte principal na realización deste proxecto. 
Nesta edición do certamen concurreron 124 traballos de centros de Enseñanza Primaria e Secundaria de toda Galicia. A entrega de premios tivo lugar no Auditorio Municipal de Ourense o luns 16 de Novembro de 2015.
O OUFF escola, é un concurso que ten como obxectivo o fomento da participación do alumnado en proxectos audiovisuais, impulsar a creatividade, o traballo en equipo e o uso do idioma galego. Tamén pretende potenciar a utilización das tecnoloxías da información e comunicación nos centros de ensino e crear un espazo de referencia para a mostra audiovisual feito nas aulas.
O CPI Virxe da Cela entre os finalistas do VI Certame de Cinema OUFF Escola enmarcado dentro do festival de Cine Internacional de Ourense (OUFF).
Noraboa a todos e todas polo traballo realizado e aínda que non acadamos o premio final , xa somos uns gañadores por chegaren ata aquí.
